أقتصاد

رسائل مهمة من داخل الكاتدرائية.. ماذا قال السيسي عن بيع قناة السويس؟

السبت 7 يناير 2023 03:10 صباحاً - نفى الرئيس المصري عبدالفتاح السيسي، ما تردد عن بيع قناة السويس بعد مشروع القانون الذي تمت الموافقة عليه مؤخرًا.

جاء ذلك خلال كلمة الرئيس لتهنئة أقباط مصر بمناسبة عيد الميلاد المجيد، في كاتدرائية ميلاد المسيح بالعاصمة الإدارية الجديدة.

وقال السيسي ردًا على الشائعات التي تم تداولها خلال الأيام الماضية عن بيع قناة السويس بعد إقرار مشروع القانون الخاص بإنشاء صندوق قناة السويس، والذى أحيل لمجلس النواب المصري: "في ناس بتقول خلي بالكوا قناة السويس مش عارف هيعملوا فيها إيه، خلي بالكوا هيبيعوا حاجات منعرفش إيه، لو هنعمل حاجة هنعلن عنها مش هنخبي، وزي ما أنا بتكلم معاكوا هقول.. وبعدين هي مصر لو تعبت هنتخلى عنها؟!"، وفقا لصحيفة المصري اليوم المصرية.

وأضاف: "أنا شايف الناس في مصر قلقانة وخايفة، مش هقول إن ده مش مبرر، لكن إحنا مش بنخبي عليكم حاجة، أنا في كل مناسبة بتكلم، فمتديش ودنك لحد أقل ما فيه إنه غير مسؤول".

وتابع: "كل واحد يعرف على قده، الموظف، ثم المدير، لغاية ما نوصل إلى أعلى منصب، يعني حد هيعرف على قداسة البابا في شؤون الكنيسة، بالطبع لا".

وواصل السيسي قائلا: "اللي يتكلم إن مكنش يعرف، وأكيد مش هيبقى عارف، أولا ما تخافوش لأسباب كتيرة، أولها إن ربنا موجود، يعني هسيبنا يعني، وهو أعز وأكبر من الكل".

وأكمل: "والثاني إحنا كدولة حريصين على التعامل مع الأزمة الاقتصادية العالمية، إحنا ماشيين كويس وإن كنا بنعاني، لكن منخفش ولا نقلق، في ناس بتتكلم كلام كتير، أقل حاجة اللي بيتكلم ما يعرفش".

كان الرئيس المصري عبدالفتاح السيسي قال أواخر الشهر الماضي، إن أي طرح لقناة السويس في البورصة سيكون مخصصًا للمصريين فقط، وسيكون جاذبًا بشكل كبير.

وحول صندوق قناة السويس، قال: "كان مفروض قبل الأمر ما يُثار في البرلمان يتعمل مؤتمر صحفي ويُطرح للناس، ونقول لهم الحكاية كذا".

وأضاف السيسي: "النهارده لو جيت طرحت شركة قناة السويس في بورصة للمصريين فقط؛ علشان يبقى الناس اللي هتشتري الأسهم من المصريين بس.. في فرق أقول القناة دخلها كده، وأن أقول في أموال سائلة في البنوك 200 أو 300 مليار جنيه".

وتابع الرئيس: "أنا مش اقتصادي، بس الاقتصاديين يردوا عليَّ.. من الأفضل يتقال إن القناة لها حسابات في البنوك فيها 100 مليار أو 200 مليار، ده مستوى تاني خالص أكتر من اللي موجود".

قد تقرأ أيضا